絲絲講場：新地獲企白金獎
絲絲尋日撞見新鴻基地產（00016）執行董事兼首席財務總監陳國威，見佢笑盈盈咁，莫非有喜事？原來佢哋最近又有獎攞，陳生做代表所以佢咁開心。
加入社責環保評審
新地今次榮獲係國際財經雜誌《The Asset》頒發「2009亞洲企業大獎」最高級別嘅白金殊榮，表揚佢哋嘅企業及管理質素，並對履行企業社會責任不遺餘力。新地係唯一香港發展商獲得此獎項。
「亞洲企業大獎」嘅評審準則，除咗包括企業嘅財務表現、企業管治及投資者關係之外，今年更首度加入社會責任及環境保護責任兩大標準。
主辦單位去年訪問全球數百名專業投資者及財經分析員，按企業喺各個評審範疇嘅表現評分，並根據企業提交嘅參賽資料，選出成績超卓嘅企業予以表揚。
新地喺各項標準中均獲投資者極高評價，成為表現最出色嘅企業之一，因此獲大會頒發「亞洲企業大獎──白金獎」至高殊榮。
余絲韻