Kelvin尋日出席完貿發局嘅活動後，就要趕搭黃昏機去新加坡，周六先返港，周日又要飛去台北，你話係咪飛得密先？Kelvin話，渣打要搞多啲大中華跨境業務，加上要聯同亞洲區內渣打銀行有一致嘅待客態度及指標，所以一定要同其他地方嘅人員多多交流喎。
滙豐過檔夠經驗
Kelvin負責嘅業務之前係由中小企業理財大中華業務總監顧韻嬋（Betty）睇埋，依家Betty就真真正正可以專注喺大中華發展。講番Kelvin，雖然佢都幾後生，原來都已累積咗十幾年中小企嘅經驗，仲係由獅子銀子嗰邊轉過嚟嘅，絲絲就期待佢摸熟晒渣打運作後同大家分享吓佢今年大計！
余絲韻