據內地消息傳出，騰訊擬邀請谷歌中國兩位高層人員加盟，呢兩位高管分別係研究部兩位副院長朱會燦及王勁，前者成名作就係只需利用20%時間獨立開發出谷歌圖像搜索服務，後者就係上海研究院負責人，有傳挖角行動由騰訊主席馬化騰親自出馬。
Facebook內地大招聘
谷歌呢頭退出，全球知名社交網絡服務商Facebook就北望神州，中國區總部仲鐵定喺北京添，Facebook並且委託獵頭公司喺中國慢慢展開招聘，仲話招攬名單由頭包到落腳，中國區CEO至項目經理無一遺漏，明顯要將內地社交網絡市場一網打盡。騰訊嘅驕人成績有目共睹，若Facebook真係打算分一杯羹亦係人之常情。
余絲韻