生動活潑容易明
置富產業信託主席趙國雄話，由於佢哋旗下物業多數都係屋村商場，所以想畀人活潑啲、輕鬆少少嘅感覺，唔想咁死板，佢仲話新加坡嘅投資者收到份年報嗰陣，全部都有讚冇彈。
好多公司年報都係整張證件相上去交代董事會有乜成員，置富就花咗啲心思，8位成員嘅相下面加架車，等佢哋好似揸車嚟緊，趙國雄揸嗰架仲係紅色「砵砵車」添。
年報內有唔少全版插圖大多描述商場嘅景象，除咗人山人海，絲絲最欣賞係一啲好細微嘅地方，講到佢哋嘅租客組合包括銀行、社會服務、超市時，就加咗好多標誌畀呢啲項目，例如用漢堡包代表餐廳、手推車代表超市，好多部分就算唔識字都睇得明。
余絲韻