放完幾日長假番嚟，今日又係時候收拾心情，再戰股場。長假期前，港股強勢收復21,400點及21,500點水平，帶動唔少股份都乘勢做好，好似股價已橫行近一個月的中能控股（00228），當日在成交配合下就破位而上，並且成功挨近高位0.76元報收，勢頭強勁，故筆者選來作為是日股膽，博其股價重上去年的0.96元高位。
事實上，中能自去年一月底宣布以0.45元配售7.25億股作收購之用後，其股價走勢可謂級級上，除了因為去年收購新疆塔里木盆地喀什北區塊，成功轉型至天然氣業務外，旗下氣田項目被深圳市國資委旗下的創新投資集團睇好，並率先於去年六月以每股50仙購入1.6億股，至同年八月，又再以每股70仙再增持5,000萬股，其後略為減持，在實力股東背景支持下，難怪中能炒極唔完。
中能股價假期前發力再上，似要展開新升浪，不妨乘勢跟進，目標先睇上次高位0.96元，穿0.7元止蝕。
至於配腳方面，保利協鑫（03800）早前受產能過剩消息影響，股價大幅回吐，惟跌至1.8元水平開始覓支持，長假期前有反彈之勢，不妨順勢跟炒，目標先睇2.2元，穿1.8元止蝕。另一配腳選亨泰（00197），其股價於現水平已橫行一個月有多，長假期前亦見異動，加上成交配合增加，唔排除突破在即，可小注跟進，目標先睇0.94元，穿0.75元止蝕。
帥哥