美股呈強，道指續創新高，但係港股就未見受惠，惟個別股份仍有炒作，好似城市電訊（01137）就連續兩個交易日裂口高開，昨日收市再升8%，報5.8元，成交亦見顯著增加。
雖然城電股價兩日累積升幅已達17.6%，故短期或要面對一定的回調壓力，但多間大行仍然積極要貨。以昨日為例，雖然德意志全日現身沽盤就達62次，但大行如極訊亞太、大和資本、瑞銀、法興、里昂以及巴克萊仍繼續勇於高位接貨，現身買盤次數由17至145次不等。
城電年初宣布，憑去年底推出月費低至99元的極速寬頻服務，成功搶佔市場份額，總訂戶基礎已成功突破100萬，故市場一直憧憬集團業績將有理想表現。依大行的積極買盤來看，明顯看好其業務前景，現水平跟進，似乎亦只會有買貴冇買錯。
（小尾）