最近「海歸三劍客」劉曉濤、陳晟及區士超喺美國硅谷回流深圳搞電子商務，唔知道深圳仲會唔會重蹈覆轍呢？
錯失咗馬雲呢隻「金蛋」，可以話係深圳市多年嚟嘅一大遺憾，絲絲聽老友講，唔知係咪想補償一下呢個遺憾，深圳市最近打算大力發展電子商務，仲搵咗劉曉濤、陳晟及區士超呢3位喺美國IT聖地硅谷學成返嚟嘅「海歸派」博士，實行要搞一個與淘寶、阿里巴巴完全唔同嘅全新電子商務平台。
劉曉濤：扶持力度弱
深圳一直缺乏電子商務人才，不過劉曉濤就覺得，深圳嘅優惠扶持政策力度較江蘇為低，而且政府要求項目喺短時間內取得成效嘅「現實」作風不利電子商務發展。睇嚟要留住呢班「金蛋」兼「下一個馬雲」，深圳市仍須努力喎。
余絲韻