《紐約時報》借貸紓困
話說《紐約時報》喺去年初極度缺乏現金，於是搵斯利姆幫手，並同意咗一些頗辣嘅條款。斯利姆向《紐約時報》提供咗一筆2.5億美元嘅貸款，年利率係14.1%，一年就有約3,500萬美元利息。呢筆交易仲包括向斯利姆提供1,590萬份《紐約時報》嘅認股權證，行使價6.36美元，後來《紐約時報》股價跟住大市反彈，依家已升到11美元以上。
斯利姆僅靠呢批權證就獲得7,700萬美元帳面利潤，再加上利息，呢筆2.5億美元貸款第一年就賺約1.12億美元。
斯利姆已經70歲，早兩個禮拜進身為《福布斯》富豪榜首富，打敗咗巴菲特及蓋茨。據《福布斯》估計，呢位電訊大亨擁有約535億美元資產。
余絲韻