雖然中央連環出手打壓過熱樓市，還好美股再衝高位，為港股帶來一番刺激。恒指雖然尋日高開後回軟，只升54點，總好過倒跌。不過，尋日朝早高追嘅股友就唔係太好彩啦。現時大市日升日跌，咁嘅走勢叫人追又唔係，唔追又唔係。古晨就希望大市跌也好，升也好，最好快啲出個明朗走勢，唔好再玩我哋班炒友。
雖說大市表現麻麻地，但市場仍不乏炒作目標，好似隻中亞能源（00850）咁，過去幾個月認真叻仔，股價愈炒愈高。咁又係，油價上番80美元嘛，油股又點會唔好先。
咁多隻股變身油股，中亞算係搞得有聲有色，因為佢變身做埋開採嗰瓣，所以自己都收購咗唔少有潛力油田，公司日前宣布旗下油田估值就達到66億元，佔一半股權都30幾億啦，唔怪得近期咁多基金積極密密掃貨，聞說好快會出油，一於博佢上番合理價1.9元，止蝕位定1.2元。
古晨