雖然昨日大市跌，但股仔照炒，詩詩上周五買入的環境資源（01130）今日公布業績，睇睇有無勁料公布。中國天化工（00362）上月底以每股0.2元配售4.4億股，近日成交一直縮水，可見接貨者唔急於沽貨。睇番今次配售有份接貨者粒粒巨星，公司成功引入JP Morgan、Senrigan Master Fund及Susquehanna Ireland Limited為長期投資者，前景值得睇高一線。
集團○九年受金融海嘯影響，盈利倒退37%至1.68億元，往績市盈率6.2倍。預期今年旗下PVC產品受惠建材下鄉政策，帶動盈利回復高增長，盈利可望回升至2.9億元，市盈率進一步回落至4.4倍。即使唔計及建材下鄉因素，中天化工亦具足夠上升潛力，皆因集團計劃分拆PVC相關業務上市，料可成為股價上升的催化劑。
現價預測市盈率係化工股中最平，即使股價倍升，預測PE亦不足10倍，打個折用0.4元做目標，PB亦不足1倍，值博率極高，又係刀仔鋸大樹之選。
詩詩