家鄉泰州名人輩出
花總係咪花木蘭後人，絲絲都唔知，但可以肯定嘅係，佢嘅出生地泰州都出過唔少名人，好似《水滸傳》嘅作者施耐庵、京劇藝術大師梅蘭芳都係泰州人，而岳飛、范仲淹及齊白石亦曾經喺泰州主政或生活。
講開虎年願望，花總話佢希望減肥成功，到明年同絲絲再食飯時，希望絲絲話佢瘦過以前喎！啱嘅，通常人到中年，事業有番咁上下，就開始追求健康。佢仲話喺佢細個時就聽到內地流傳一種講法，就係一月過年、二月拜年，三月開工，即係話以往內地過年會休成兩個月，但今時唔同往日，為咗保持經濟增長，內地新年假期最多一個星期就完，而花總由於係香港紅籌公司老細，惟有跟香港放4日假就返工。
余絲韻