古晨留意到隻首長四方（00730）近日好勇猛，最奇怪係上個月集團指有意出售若干資產，但同時間大股東首鋼控股就以0.45元大手減持咗59球，足足成5個巴仙權益。照牌面睇點都係壞消息，股價難免要插水，點知過去一個月，首長四方不跌反升，而且股價仲炒上高見過0.74元。
故事發展至此，大家心中有數，接咗大股東手貨嘅人士絕對唔簡單。首鋼系去年講明想重組作整體上市，首長四方係第一隻話準備有嘢搞，剛啱又宣布賣咗間蝕本公司，套現2.5億元。尋日整固後初見搶攻，而且成交極大，成個破頂格咁，近期股仔炒得咁勁，一於博佢穿頂見1.2元，止蝕位可以考慮0.6元，炒股仔最緊識執生。
古晨