港交所（00388）頻頻換將！繼集團行政總裁及財務總監換人後，法律服務部主管暨首席法律顧問高美萊由於已屆退休年齡，將於今年七月底離職，由年利達律師事務所顧問及證監會前企業融資部高級總監黃凱明接替。為咗確保順利交接，黃凱明將於六月十日起加盟港交所。
數數手指，計埋黃凱明，港交所都有唔少高層曾做過證監會，好似上市科主管狄勤思、集團營運總裁葛卓豪等。
已有超過20年法律及監管經驗嘅黃凱明，與港交所早有淵源，佢喺○一年五月加盟年利達律師事務所之前，係證監會企業融資部高級總監，參與好多企業融資及上市相關事宜嘅市場諮詢工作，當年聯交所及期交所轉行股份制，以及港交所其後上市等工作，黃凱明亦有參與意見；而由○五年十月至今，佢亦一直係證監會收購委員會及收購上訴委員會嘅委員。
余絲韻