歐美股市再試去年高位，落後一成有多嘅港股，自然成為國際熱錢嘅目標，上個禮拜開始，已經見啲股仔急不及待炒上，其實呢轉股仔真係大落後，由於現時大陸資金支配市場，啲股仔一倍一倍咁升亦唔係咩新聞，所以每當股仔有異動，都吸引唔少炒友加入戰團，齊齊炒。
中國置業投資（00736）去年藉收購環球石油，從而進軍哥倫比亞國家油氣嘅開採，由於環球石油重組尚未完成，所以單刁亦一直未完成。不過，集團就好努力咁做好準備，好似近日就成功配售咗一批可換股債券出街集資，而個換股價係0.118元。睇番近日其股價走勢，大成交抽上，似要破0.14元，唔通快有好消息出台？近期啲股仔炒得咁勁，中國置業又有咁多消息，一於跟上車向上睇0.2元，止蝕位就定番係個換股價0.118元。
古晨