微軟香港「一哥」林向陽喺去年七月離職後，似乎無晒聲氣，但原來呢位土生土長嘅香港仔已泊到新碼頭，本月中就會成為數碼港公司行政總裁，接替上周離任嘅楊偉雄。
林向陽喺微軟做咗足足有13年，佢喺微軟可謂扶搖直上，離職前已經係香港區總經理。其實佢過檔數碼港都唔係冇理由，皆因佢與數碼港早有淵源，唔單止曾出任數碼港租戶聯會主席，去年離開微軟前嘅幾個月，微軟與數碼港合作設立「BizSpark創意中心」，林向陽亦有出席，而佢喺呢項合作推出後嘅一年，就加盟數碼港。
余絲韻