大市都幾難玩，近日恒指重上21,000點，市場氣氛好番，加上兩會效應，市場上嘅炒味都濃番少少，點知都威唔得幾日，突然又傳出內地要嚴查內地銀行違規貸款，稍好嘅氣氛一下子就散散哋，其實今年港股真係好難炒，希望今次能大事化小，小事化無就好囉。
依兩日見到股仔明顯生猛番，早前殺咗落去，好多股仔唔見三成以上，都幾傷。呢幾日好番少少，華懋集團贏咗「千億爭產案」後，即時有連番動作，作為安寧控股（00128）大股東，安寧自然不愁寂寞啦。華懋主要產業並未上市，安寧隨即惹來注資憧憬，難怪近期股價炒味咁濃。正所謂手快有手慢無，不如及早上定車，靜待佳音，暫時大貪啲向上睇2元，止蝕就定0.8元。
古晨