港股尋日勁升逾400點，而表現最突出係內房股。詩詩以0.86元沽出30萬股彩虹電子（00438），再以0.9元買入30萬股北京建設，內房股扭轉劣勢再獲炒家垂青，詩詩當然緊貼潮流。
昨日Z-OBEE（00948）首日掛牌，乘住大市升勢，收報1.87元，較招股價升3.8%。Z-OBEE為內地一站式手機應用程式及解決方案供應商及製造商。自內地引入3G制式後，手機市場又再見活力，Z-OBEE食正換機浪。
不過，Z-OBEE招股期間，大市走勢波動，公開招股僅錄得0.5倍超額認購，貨源相對集中，唔排除大部分貨仍在保薦人手中。值得留意係英皇證券（00717）係其聯席帳簿管理人及聯席牽頭經辦人，睇番去年同英證扯上關係的新股，隻隻表現有番咁上下，Z-OBEE晒士又唔大，只要完成收集，隨時突破向上。
詩詩