本文重點
金融界近日頻頻轉音樂椅，好似前時富資產管理策略師何雪梨（Cameron），就已經喺前日同時富分手，下個禮拜一加薪回巢舊公司博達國際（財經）公關任企業發展及傳訊經理，主力負責處理內地到港上市公司事宜，同建立公司嘅品牌形象。喺證券界入面，Cameron都算係少有嘅省鏡財金伊人，依家市場又少咗個靚女分析師。
冀闖事業另一高峰
Cameron話佢都冇諗過咁快就離開工作咗兩年嘅時富，但係舊老闆盛意拳拳邀請佢再返公司合作，仲畀咗一個令佢滿意嘅高薪，令Cameron最後都選擇咗依依不捨咁離開時富，並且期望自己嘅事業可邁向另一高峰。不過，佢不忘感激喺時富呢段日子，坦言學到好多金融方面嘅專業知識，又與一班同事及客戶建立咗深厚嘅關係。
Cameron畢業後就加入博達，喺○五至○七年間任職總裁助理，之後才加入時富。如今回巢，想必感觸良多。
余絲韻