受中央調控樓市及抽緊銀根的政策影響，內房股調整了好一段日子，但近期唔少股份都開始呈見底回升之象，故不妨趁低吸納，其中剛剛宣布獲國家批准於重慶建兩個地下商業中心的人和商業（01387），近日亦見有買盤吸納，值得留意。
人和一向專注零售店舖物業，故國家調控樓市的政策對其影響不大，股價亦較一般內房股硬淨。配合內地經濟增長以及國策推動內需，集團的批發及零售店舖租金收入展望樂觀。
人和股價近日企穩回揚，昨日在成交配合下，逆市升逾4%，收報1.78元，主動買盤增加至3,246萬股，短期升勢似乎有餘未盡。而過去五個交易日，唔少大行亦見現身排隊買貨，好似摩根大通、極訊亞太及德意志，現身買盤次數就由83至168次不等，相信唔少有心人經已儲定貨，準備開車，值得留意。
（小尾）