曾任職英美法大行

Anna姐喺花旗嘅時候，所做嘅工作同近十餘年一啲都不同，原來佢嗰陣時係從事企業銀行業務，適逢撞正亞洲金融風暴，企業界一片風聲鶴唳，真係追數都追到暈，個人做到好攰，唔想再做，咁啱得到人賞識，問佢有無興趣做BNP嘅私人銀行部主管，有新嘢又不妨試試，結果喺BNP由二○○○年一做就做到二○○七年，跟着先過檔獅子銀行繼續做私人銀行工作，直至去年尾被委任為依家呢個職位，又係另外一個新天地。

睇嚟Anna姐都好鍾意接受新挑戰，成日做嘅工作都係唔同範疇。佢喺私人銀行同證券經紀部門工作發現咗一個好得意現象，私人銀行嘅同事大部分都係女性，男同事佔很細比例，依家就啱啱相反。

余絲韻