喺內房界最敢言嘅任志強早排出席全國工商聯房地產商會上發表偉論，話「房地產打下去，GDP就掉下去，GDP掉下去，溫總理就會比我們開發商還急」。究竟係佢對內房後市睇好抑或硬撐？佢胸有成竹咁話，即使政策已由「寬鬆」步入「收緊」，而且中央亦開始用「遏制」呢啲字眼對房地產表態，佢都未驚過，事關佢深信政府要打壓嘅只係部分房價過快增長嘅城市。任志強仲教大家對政策最正確嘅理解，應該係「抑制投資而唔係打壓」喎。

萬科今後唔做「地王」

另一邊廂，萬科董事長王石話公司今後唔會做「地王」，亦唔會成為房價領導者，唔通畀呢排啲「沒收地王」消息嚇窒咗？絲絲唔係內房開發商，解讀政策呢啲嘢梗係唔及佢哋，但開發商對內房情況都有唔同睇法，小股民投資內房股就要謹慎啲喇。

余絲韻