全球股市狂升咗十個月後，終於有可能見頂回軟，港股今次最叻仔，係帶頭先見頂嘅一個，但以過去十個月嘅升幅計，看來調整仲未夠喉，港股經過一輪急跌後，沽盤似乎已近尾聲，近兩日沽貨嘅力度明顯弱晒，可惜係市場氣氛依然好差，無乜資金願意入市，所以就算有反彈，估計都係乾彈為主，暫時惟有繼續等。
現時入市都係玩短線投資，內地要保持增長就要谷內需，內需股應該有回調無大死，尤其係隻361度（01361），雖然唔係龍頭股，不過季度增長有15%以上，好過龍頭股李寧（02331）嘅單位數增長，現價計今年市盈率都係11倍左右，以內需股計絕對唔貴，股價近期由6.34元跌落接近5元，係時候低吸，博佢今年升番上7元，止蝕位就定4.7元。
古晨