政府尋日宣布委任會計師公會前會長甘博文接替沈文燾做財匯局行政總裁，為期三年，四月一日起生效。
甘博文係會計師出身，曾於九九至○○年出任香港會計師公會會長；亦喺○六至○九年期間出任財匯局成員，故對財匯局運作可謂駕輕就熟。佢依家做緊英資行嘅財務總監，今年初會卸任該集團職務以接替沈文燾。
甘博文嘅任命係由遴選委員會經全球公開招聘後所選拔出來，遴選委員會由財匯局主席高靜芝擔任主席，成員包括夏德威及鄭慕智等，李家祥則為遴選委員會嘅榮譽顧問。
甘博文為人低調，外間或對其認識不多，但其實佢曾於多個政府諮詢及法定組織出任公職，亦分別喺中文大學及城市大學會計學院擔任兼任副教授及兼任教授。
余絲韻