本文重點
「大笨象」主席葛霖最近傳聞多多，其中一單係話佢可能走去英倫銀行做行長，做得「賓卡」耐，試吓做央行行長都好吖！但葛霖一直冇回應呢個問題，直至尋日佢接受傳媒訪問時，被問到身兼咁多角色，又係「賓卡」又係牧師，咁鍾唔鍾意做央行行長嘅角色呢？佢諗都唔使諗就即刻答「我已經有份銀行工要做」，然後再答多句「Thank you very much」。
好享受依家工作
人哋梗係唔滿意答案，跟住就問佢有冇想過做英倫銀行行長，葛霖就好決斷咁話當然冇，又話自己好享受依家嘅工作，做到呢份工係非常榮幸。佢今次嘅回答，相信已可釋除市場喺呢方面嘅無謂揣測。
佢做完主席之後有乜打算，佢話未有任何計劃。身為牧師嘅葛霖，做一啲決策時難免會受自己嘅宗教思想影響，所以佢會要求同事從提供良好服務、高度誠信及長遠客戶嘅因素來做決定。
余絲韻