前高官再度退休

講番沈文燾，佢自財匯局初成立以來已出任行政總裁，可謂一手睇住財匯局成長，依家財匯局已上咗軌道，佢亦真係功成身退，再過番退休生活。

何出此言？話說佢出任財匯局行政總裁之前係退休高官，○三年退休前曾任庫務署署長。佢本來已諗住退休，離開政府後冇再做受薪工作，但後來因為想回饋社會，又想為自己人生加添色彩，於是再次「下海」，接掌新成立嘅財匯局做開荒牛，一做就三年，佢本身亦係一名會計師。

喺佢任內，財匯局完成咗三份查訊報告、一份調查報告，財匯局主要負責調查及查訊上市公司嘅審計及財務匯報；期間該局亦主動審閱上市公司有保留意見嘅審計報告。

余絲韻