優化聯匯最難忘

人嘅記憶力可能好選擇性，任志剛雖然記唔到藥名，但肯定佢對所有財金嘅細微嘢都記到。做咗十幾年總裁，好多大事都令佢有深刻記憶，絲絲以為佢最難忘係成立聯繫匯率制度又或者打大鱷，點知統統估錯。任志剛話最難忘反而係○五年優化聯匯，皆因係完全反映到作為金管局高層要做到居安思危嘅角色，就係因為佢睇到人民幣匯率制度會有變化，喺件事要發生前就諗定聯匯嘅優化工作，效果係面對祖國咁大嘅金融變化，香港市場都可以平穩度過。

無官一身輕嘅佢最近雖然出任人行做智囊，不過佢就話仲繼續學緊「hea」，最難適應就係依家身邊冇助手、秘書、司機，好多事都要親力親為，不過好彩有個好老婆幫手，得閒嗰陣就同個孫玩吓，又或者行吓山。

余絲韻