攻新能源車準備就緒

講番收購A股公司，仰融依然興奮，佢回想番收到批准通知嘅一刻，佢人在美國，消息係由太太轉告。仰融話當時喺美國傾緊生意，已飲到滿臉通紅，其3歲嘅囡囡似乎睇得出老竇好高興，好醒目咁舉起杯橙汁同老竇乾杯。

仰融喺去年成立名為正道汽車嘅公司，主要係發展新能源汽車，準備工夫已經七七八八。其實仰融與美國嘅淵源都好深，好似當年嘅華晨，係佢喺九二年充當白武士將華晨帶到紐約，成為中國第一家喺美國上市嘅企業，之後仲喺香港掛牌添，後來華晨業務上咗軌道，亦帶挈仰融喺○一年時身家水漲船高，被評為大陸第三大富豪，當時身家達8億美元。

其後仰融畀大股東免職，殊不知佢人在美國，仲越洋與遼寧省政府打官司，爭奪華晨股權，但之後就無晒聲氣。

余絲韻