本文重點
恒指報價系統出現故障，引起魚缸散戶驚恐，認定大冧市將降臨。買了「恒指Call輪」的蔣先生甫開市見到恒指報價動也不動，但自己之前買入的恒指認購證價格一直下瀉，因擔心價格會繼續大跌，故毅然沽出該輪。他說，「決定沽出抑或揸住隻輪時都無所適從，唔知睇啲咩做參考，見唔到真實情況就好似瞇住眼沽走隻輪。」
然而，昨午恒指跌幅收窄，蔣先生都大呻「沽錯貨、蝕多咗」，「恒指停頓令上午出現恐慌性拋售，自己都被搞到亂晒龍，但就唔會追究，幾萬蚊都唔知問邊個攞番」。他在昨午看見大市掉頭向上，於是買入內銀股Call輪博下周一反彈。
一般買現貨的散戶就說未有受太大影響，又指此情況並不是第一次發生，都見怪不怪，之不過今次一開市就停半個鐘，時間長了點。
於日前買入窩輪的文姐就相當激氣，她說恒指現貨指數無報價，就算可以睇期指走勢，但都不能知道恒指的升跌。散戶蔡小姐就說不能夠接受三十幾分鐘的系統故障，再加上無法聯絡經紀，令她後悔自己入了市。
難追賠償 嘆黑仔
散戶謝太就說，自己有錢都不敢入市。對於昨日的停止報價事故，有散戶希望恒生指數公司交代始末，又希望港交所可以跟進事件。另外，不少散戶坦言難向恒指公司追回賠償，惟有大嘆自己「黑仔」。