21/01/2010

播放本新聞相關短片
查詢股票編號

絲絲講場:新地撐內地優才入中大

新鴻基地產(00016)嘅善舉唔少,其中一項係培育內地學子,自○五年成立嘅「新地郭氏基金——香港中文大學內地生優才獎學金」,至今已連續第5年資助來自內地、有經濟需要嘅優秀學生赴笈香港中文大學修讀4年本科課程,共捐贈1,500萬元。

中大常務副校長華雲生教授日前陪同18名優才生親訪新地,與新地郭氏基金執行董事郭婉儀、基金董事鄺準及公司高級職員會面,表達對新地嘅謝意。

郭氏基金致力育才

新地郭氏基金執行董事郭婉儀話,佢哋係本着「育才樹人、科教興國」嘅宗旨,培訓內地人才,至今先後資助共30位內地優才入讀,擴闊國際視野。

新地郭氏基金喺○二年成立,先後喺內地超過10間著名學府及地方教育局設立助學金,資助成績優異但有經濟需要嘅學生完成大學本科課程。預計至二○一二年,新地郭氏基金喺教育、文化及文物保護嘅贊助金額超過3億元人民幣,其中教育方面受惠嘅學生人數將共達5,000人。

余絲韻