日本家庭財政一般都由女主人控制，男士每月將收入「上繳」，再由主婦分配，部分畀丈夫做「零用錢」，大部分就係家用。

慳買餸錢多煮豆腐

好多時主婦們仲會靜雞雞收埋部分錢以備不時之需，就係所謂嘅「秘密儲蓄」，亦即係我哋所講嘅「私己錢」。

不過，日本財產保險訪問五百名日本主婦後發現，佢哋去年嘅「秘密儲蓄」大跌兩成，得番四萬一千美元（約三十二萬港元），反映日本打工仔收入下跌，主婦要倒貼私己錢至足夠持家，其中更有被訪者話為咗慳番啲買餸錢，煮多咗豆腐。

日本國民本土消費一向係重要經濟支柱，但超過一半受訪者話會減少購買奢侈品，絕對係日本經濟一大隱憂。日本財產保險發言人就話，調查正好反映當地經濟以及面臨嘅問題。

余絲韻