英文縮寫「一次就夠」

關百忠坦言雖然係參加旅行團，但旅程絕唔容易，最慘更加係「冇啖好食」，尤其係印度，當地衞生情況惡劣，佢哋連刷牙嗽口都要用蒸餾水。佢慶幸自己喺冬天去印度，否則一定會病倒返嚟。

喺印度仲令人有唔少難過沮喪嘅感受，所以佢都贊同導遊話印度（India）個名係來自「I’ll never do it again」（印度去過一次就夠）嘅英文縮寫！絲絲就覺得，雖然呢啲國家非常落後，但見識吓亦無妨，起碼知道香港有幾幸福！

關百忠喺滙豐金融服務已做咗廿幾年，係名副其實嘅老臣子，咁佢放完假之後有冇新動向？佢就話過咗農曆新年後至算，但公職當然繼續做，好似佢之前獲委任做財匯局成員，亦係證券及期貨事務上訴審裁處成員、港交所（00388）現貨市場諮詢小組成員等。

余絲韻