本文重點
農曆新年送舊迎新，今年星展香港都決定要用新嘢！佢哋今年出咗款新嘅利是封，行政總裁Amy葉約德話，舊嗰款利是封佢哋已用咗3年，係時候要轉喇！
Amy解釋話，星展集團嘅利是封一向年年轉款，不過佢哋香港呢邊之前印落咗好多，一年都用唔晒，用咗足足3年都仲係用緊第一版。今年存貨終用得七七八八，加上今年新嘅設計特別可愛，所以決定轉用新利是封！
成雙成對夠Cute
新利是封都係一對嘅，沿用番一個卡通男仔、一個卡通女仔嘅主題，不過佢哋造型就變咗少少，男仔頭戴金魚帽，女仔夾蝴蝶髮夾，認真可愛！Amy話今年佢哋又印咗好多，不過咁可愛，睇嚟好快就派晒！尋日喺星展社企計劃開幕典禮上，新利是封首次亮相亦都大受好評。
昔日狙擊港元嘅國際大鱷索羅斯嚟香港設辦事處，當年喺金管局負責擊退大鱷嘅Amy一於淡定有錢剩，仲話係件好事，更鞏固香港國際金融中心嘅地位呢！
余絲韻