本文重點
絲絲嘅廚藝向來有水準，不過與法巴零售衍生工具部聯席董事郭小菱（Shirley）相比，就真係有天淵之別，因為Shirley嘅入廚經驗已超過10年，中式、西式、甜品均樣樣拿手，試問絲絲又點同佢鬥呢！
分享廚藝兼教炒輪
最近輪場忙於玩人事變動，反而法巴就趁新年快到，任命廚藝了得嘅Shirley親自教授投資者整年糕及蘿蔔糕，更會喺蒸煮期間同佢哋探討一下窩輪及牛熊證嘅投資方法。活動公布之後，Shirley話反應都唔錯，仲有幾位男士報名參加添。
絲絲記得Shirley喺美國讀書，估唔到佢竟然識整傳統賀年食品。佢話：「每逢屋企搞Party，我同媽咪都會一齊整嘢食，就算整30人分量嘅食物都冇問題。」
余絲韻