今日係二○一○年首個交易日，無論大戶定散戶，都從長假返回崗位，好好部署新一年投資策略，相信大市交投亦會醒神番啲！上周四長假前夕港股半日市，在粉飾窗櫥效應之下恒指高收，惜當晚美股未有同步，道指跌120點收市，故今早指數或會走低，但只要維持上落市，大家可以少理指數升跌，繼續炒股唔炒市。
去年股市大反彈，具防守性的公路股表現相對平穩。到了今年，股市已高企在一個水平，唔上唔落，加上受「退市」及「加息」等不明朗因素影響，市況可能會較為反覆，公路股的「避險」概念將重新被重視。其中，江蘇寧滬高速（00177）息率超過四厘，經營往績良好，一直有基金捧場，過去兩個月股價在6.6至7.45元上落，上周四收報6.92元，升2.98%。短線若成氣候，有勢再衝橫行區頂部，止蝕位定在6.5元。
古晨