本文重點
聖誕節前最後一隻新股洪良（00946）掛牌，按照慣例，公司會送禮物畀港交所作為紀念，洪良係內地休閒服裝商，理應送公司產品休閒服，但估唔到佢哋送咗一個名為「錦繡山河」嘅陶瓷壺，寓意港交所與該公司未來發展同樣光明璀璨。
取材自杜甫詩境
絲絲記得，喺本周三掛牌嘅太平洋保險（02601）送咗個鼎畀港交所，最後果然「鼎」住個招股價收市，冇「破底」。尋日絲絲見到份禮物，驟眼以為份禮物係個鼎，睇真先知原本係色彩繽紛嘅陶瓷壺，絲絲聽朋友講，話呢個壺有段古，話說洪良係來自台灣，佢哋搵咗個台灣藝術家製作呢個壺，取其名為「錦繡山河」，典故來自杜甫《清明二首》內嘅情景「秦城樓閣煙花裏，漢主山河錦繡中」，而壺身用銅紅及鐵紅釉上色，畫上色彩斑斕圖案。
余絲韻