絲絲知道義工隊喺社署舉辦全港性義工嘉許活動中，憑着去年服務總時數達5萬小時，獲得「最高服務時數優異獎」，義工同事麥慶昌更喺首次舉辦嘅「最佳家庭義工表揚計劃」，被選為六個傑出家庭義工之一，榮獲「最佳家庭義工獎」。

人數及服務時數續增

義工隊服務範圍好廣泛，參與多個長期服務計劃，義工會利用專業知識，為受屋村重建影響嘅長者搬遷新居，又透過「新天工程」師友計劃，服務天水圍嘅基層小朋友，以不同活動促進佢哋嘅個人發展。

梁麗慈話，義工隊成立以來，人數及服務時數持續上升，顯示義工嘅無限關懷和愛心。佢希望可以延續「凝聚力量、盡顯關懷」嘅理念，誠邀更多同事及其家人加入新地義工隊行列。

余絲韻