本文重點
陽光房地產（00435）唔經唔覺已經上咗市3年，基金行政總裁兼執行董事吳兆基話，為咗慶祝上市三周年兼答謝基金單位持有人嘅支持，陽房尋日寄出一批50蚊禮券，畀基金單位持有人喺陽房旗下位於上水及將軍澳兩個商場超過30間店舖使用。聖誕臨近，香港人又最鍾意Shopping，呢份禮物又幾窩心噃。
已打好基礎謀擴充
另外，陽房尋日仲喺上水中心商場舉行亮燈儀式，為咗響應環球減碳排潮流，陽房旗下物業已逐步轉用「真正環保」嘅LED（二極管）燈。
吳兆基又話，呢3年嚟基金主要係打好基礎，雖然去年經歷金融海嘯，旗下物業出租率及租金都受到影響，但近呢幾個月零售物業已經明顯好轉，而甲級寫字樓市道就可能要到後年先見到起色。至於陽房喺未來3年就會由鞏固根基轉為擴充業務，因為基金目前嘅資源足以處理多過目前130萬方呎嘅樓面，相信陽房嚟緊會有好多動作，大家拭目以待嘞。
余絲韻