合眾思壯擬上深創板

姚明兩年前向合眾思壯大股東郭信平買入價值37.5萬元人仔嘅股份，佢依家持有67.5萬股，持股量0.75%，係第四大股東。依家合眾思壯搞緊上市，雖然未知幾時真係成事，不過根據招股書資料，公司計劃發行3,000萬股新股，集資4.69億元人民幣，照握算每股發行價應該多過15蚊，但大家都知創業板可以炒到幾癲，公司背景加埋名人效應，隻股隨時有權炒到上50蚊，到時姚明嘅投資隨時價值超過3,000萬元人民幣。

合眾思壯呢間公司主要做衞星導航定位產品嘅研發、生產及銷售，姚明除咗係股東之外，仲係呢間公司嘅代言人，足足做咗成4年有多。據悉呢個衞星導航嘅中文版，曾經幫姚明喺美國生活帶嚟唔少方便，所以姚明對呢盤生意好有興趣。

基於內地同名同姓嘅人有好多，內地傳媒都搵咗姚明求證，佢嘅經理人就證實咗雙方關係，仲話大家合作愉快，希望可以長期合作添。

余絲韻