恒指愈插愈深，尋日終於連21,000點亦告失守，由於大型頭肩頂正在運行，暫時大市見咗頂機會好大，量度計跌穿21,000點，大市將下試19,000點，短期唔排除有後抽，應該把握反彈之勢減磅。
今次大市回調快而深，其實市場仲未搞清楚係咩一回事，大概係熱錢流走云云。大市雖有見頂機會，不過市場點都會有嘢炒，古晨就睇好醫藥股，點解？因為十一月份內地正式推行8,500億元人民幣醫改，咁大個餅自然大把人
實。不過，炒醫藥概念唔同炒金炒油，唔係話係海外買個油田就可以變身，所以市場上選擇唔多，都幾集中下，古晨就鍾意隻廣州藥業（00874），貪佢夠貨乾嘛，而且今次醫改中，佢共有12隻新藥入選，算係大贏家之一，股價跌咗三日，尋日就率先反彈，周線圖快出現三角形突破，量度計可以見8.5元，跌穿5元則考慮止蝕。
古晨