本文重點
今年本港樓市表現出色，地產代理對後市充滿信心，近年頻頻開舖的置業18，計劃明年斥一千萬元開五間舖，令分行數目增加到二十間，人手則冀增一百人，整體人手達到三百人。該行執董張文傑講，由於過去半年該行有兩成佣金收入來自內地客來港買樓，故亦計劃斥八百萬元在溫州及深圳開分行，冀將內地客比例增至三成半。
發展商求助有門路
另外，利嘉閣董事總經理廖偉強預期，未來三年可鞏固香港、澳門及上海三地業務，並訂下明年總營業額目標為十一點八億元。同系中原地產則料明年營業額按年增近兩成七至三十三億元。
唔少地產商在項目發展申請過程都會遇到好多問題，政府為咗幫佢哋一把，在七月成立發展機遇辦事處，為發展商等提供一條龍諮詢及協調服務，總之係幫持有地皮嘅業主搵最便捷申請路徑。
Vincent八到，辦事處接到嘅求助個案增長好快，未夠半年已激增兩倍至目前約三十單，全部係非純住宅重建項目，當中不少來自發展商求助，好似華潤集團計劃重建灣仔華潤大廈，由於影響到旁邊的公園，有政府部門反對，所以希望辦事處可以幫手排難解困。
Vincent Lau