內地終於出手調控房地產市場，內銀股又話要提高資本充足比率，再加上傳熱錢流出港股，樣樣都係利淡，恒指無奈地下試21,000點，小心真係一旦跌穿，確立咗頭肩頂走勢，咁大市將要出現一次較大嘅調整。隨着危機愈來愈大，近兩日啲股仔都開始插水，正所謂君子不立危牆下，就算要入市都應該提高十二分警覺。
內地人民生活水平不斷提高，自然對保險需求上升，睇番今年頭十一個月，內地保險收入達到1.02萬億元人民幣，係首次突破1萬億大關，保費收入大增，自然利好保險股。
中國財險（02328）除咗財產損失保險外，汽車保所佔比重亦相當高，內地新增汽車銷售破晒紀錄，出咗部新車最少都要買份車保，你話財險嘅汽車保生意又點會差呢，難怪近期財險咁強勢，不妨以8.5元作為目標，止蝕位就定6.2元。
古晨