成功秘訣靠唸急口令

今次呢個大獎就由金德精密五金奪得，恒生畀金德嘅獎金高達10萬蚊。呢間公司嘅老闆孫國華喺頒獎禮上同大家分享環保心得時，講到搞環保都要講求天地人，而人就係最難搞，自己都知公司制訂嘅環保方針寫得好長，好難記入腦，所以就度出類似麥當勞當年玩急口令嘅遊戲比賽，結果反應奇佳，公司千幾名員工幾乎全部都排隊唸急口令。佢又話，要搞環保搞得成功，都不外乎係「死慳死抵」，能夠減排，成本自然下降。

金德投放喺環保嘅金額為718萬元，但每年因此可慳番256萬元，即係話三年就可以回本，而且投放嘅金額唔一定要真金白銀，咁又何樂而不為？既可環保，又可節省成本。

余絲韻