本文重點
英皇鐘錶珠寶（00887）尋日搞咗個鐘錶展，一次過展出60多隻名錶，吸引名錶愛好者捧場，包括美聯集團（01200）主席黃建業夫婦及物業投資者羅家寶等，英皇鐘錶珠寶董事總經理楊諾思好開心咁話，今年搞咗3場珠寶同鐘錶展，刺激店舖生意九月至十一月份同店銷售增30%。
今次嘅鐘錶展係同公司旗下名錶百達翡麗（Patek Philippe）合作，楊諾思揀咗呢個牌子cemma系列畀在場人士睇，呢隻女裝錶價值150多萬元，雖然唔係全場最貴，但佢自己就好鍾意，仲滿場飛同嘉賓介紹名錶。楊諾思話，今年九月至十一月份同店銷售好理想，有30%嘅增長，其中銅鑼灣店舖同店銷售有40%增長！佢有信心聖誕節零售市道會唔錯，相信今年聖誕節公司銷售會好過舊年。
擬明年內地開20店
佢又話今年公司開始進軍內地，明年計劃於二、三線城市開20間店舖，內地珠寶同鐘錶品市場潛力很大，對高檔次市場樂觀。
余絲韻