佢又話，商場出年會動用七位數字嘅資金，為史諾比戶外樂園大搞翻新，引入全新歐陸式建築，為顧客營造一個浪漫氣氛。

地監局講內地客買樓法規

近年愈來愈多內地人來港買樓，所以地產代理監管局昨日就舉行咗一個研討會，同與會人士介紹相關嘅法規，同埋要注意嘅事情。昨日有超過30人參與研討會，包括多間移民顧問公司、地產代理公司，仲有聯合財富情報組嘅警務人員等。會上仲提醒移民顧問公司嘅代表，如果佢哋喺業務過程中從事地產代理工作，需要申領牌照，否則可能觸犯刑事罪行。

地監局執行總監黃維豐話，愈來愈多內地人士透過置業移民香港，市面上有移民顧問公司更加組織睇樓團，今次希望透過研討會講吓移民顧問公司安排內地人士來港參觀物業時，需要遵守的法律。

（Vincent Lau）