市場炒作氣氛持續，加上近日內房股被多間大行先後唱好，故部分內房股已見蠢蠢欲動，當中可留意隻新世界中國（00917）。新中現時內地的土儲應佔面積達1,900萬平方米，土儲豐富，但在內房股中算是被嚴重低估的一員。乘內房股開始起動，集團有望追落後。
其實，唔少大行趁其股價調整之時，已買落唔少貨，相信只要走勢配合，大行要掃上去也易如反掌。以昨日為例，集團股價逆市做好，更一度高見3.19元，德意志現身買盤便達101次，態度積極，其次摩根士丹利現身買盤亦有49次。
另外，極訊亞太以及瑞信的現身買盤，亦分別有12及13次，但就全部都零現身沽盤。既然大行經已埋位，加上走勢對辦，相信距離開車之日不遠矣，宜加緊留意。
（小尾）