Timothy第一次旅行喺六歲，之後赴英國讀書，更順便遊歷歐洲多國。佢話鍾意去旅行係因為對唔同國家文化都好熱愛，其中，中東地區係佢嘅至愛，數得出嘅耶路撒冷、伊朗、敍利亞、黎巴嫩等等佢都有去過。

鍾意文化，當然唔少得歷史文化大國嘅中國啦！Timothy熱愛寫毛筆字，又喜歡細味唐詩宋詞，佢話宋代女詞人李清照係佢最鍾意嘅詞人，欣賞其文筆嘅感染力。

部分設備股仍買得過

講番投資，Timothy話耐性、多聽多睇、不受市場情緒影響都係投資成功嘅要素。雖然港股現仍處今年較高水平，價值股買少見少，但佢認為部分運送、儲存石油或天然氣嘅設備股嘅真實價值仍有待市場發掘，股友們不妨留意吓。

余絲韻