美國就業數據出奇地好，但道指先升150後變軟腳蟹，最終只升22點收市，認真失威。市場又開始擔心加息，道指未能突破10,500點，後市多存變數，暫時入市應該要小心啲。
山東鋼鐵集團喺九月時成功購併日照鋼鐵，搖身一變成為內地第二大營收嘅鋼鐵企業，僅排在寶鋼之後，上月山鋼旗下兩間A股子公司齊齊停牌，涉及資產重組問題，無疑係宣告山鐵嘅重組進入最後階段。內地一直鼓勵鋼鐵業合併壯大，山鋼重組成為市場焦點所在。
開源控股（01215）現時變相持有與山鋼合資企業的一成權益，一旦山鋼啟動重組，自當刺激其股價向上，近期資金輪流炒，鋼鐵板塊沉靜多時，一旦有好消息配合，勢好似內房股般發力炒上。開源股價上周突破0.4元後，動力明顯增強，暫時向上睇0.6元，止蝕可定於0.38元。
古晨