杜拜世界財困危機漸見紓緩，恒指昨升687點，報收21,821點，重上50日線。不過，投資者仍未敢大舉入市，詩詩手上投資組合亦維持不變。
市場睇好天然氣相關股份前景，若要刀仔鋸大樹，不妨睇睇中能控股（00228）。中能轉型經營天然氣項目，又有深圳市國資委旗下的創新投資做股東，於今年六月宣布以每股平均價0.5元持有1.6億股中能，即現價仲低過創新投資的買入價。
今年初中能跟中石油集團訂立合約，共同擁有及開發一塊位於新疆、總面積達6,991平方公里的土地上進行鑽探、勘探、開採及生產石油與天然氣之權利。不過，收購項目因審核問題延期完成交易，詩詩聽講呢項收購已有新進展。據聞最新的勘探結果，上述地皮天然氣儲量超過1,000億立方米。難怪有消息傳出，公司近日頻頻接見基金，相信係搵緊合適機構投資者。
詩詩