本文重點
絲絲一直都認為施比受更有福，所以趁自己仲有能力時，不妨做多啲好事回饋社會。渣打香港與絲絲都係抱住同一信念，就算生意做到幾大，都不忘幫助社會，適逢今日係世界愛滋病日，絲絲知道渣打一班「關心愛滋大使」仲會四出宣揚有關愛滋病嘅知識。
捐助受愛滋影響學童
由○六年開始，渣打一直與智行基金會合作「悅讀希望」籌款活動，至今已經將超過四千個滿載各種書籍及文具嘅「希望背包」，送予受到愛滋病影響嘅內地小朋友手上。
今年籌款活動仲搞搞新意思，由渣打員工與顧客籌得嘅善款，部分會用喺內地愛滋病高發地區，興建「悅讀希望」圖書室，為一千五百個學生提供舒適及安全嘅閱讀環境，呢個圖書室啱啱喺上周四已正式開幕。
今日渣打仲會發動全體員工，為「悅讀希望」圖書室嘅學生送上心意卡，又會去四間中學為學生舉行愛滋病教育工作坊。
余絲韻