外觀掩飾減心理威脅

絲絲近日與京信通信（02342）財務總監唐澤偉傾偈，佢話社會大眾嘅環境意識提升，好多人都擔心手機基站天線會對環境構成影響，包括佢哋在內嘅生產商，近年已設計出多種以不同外觀作掩飾嘅隱蔽式天線系統，以減輕此舉所帶來嘅心理威脅。除咗仿真樹、煙囪及水塔外，天線亦可設計成路燈、郵箱甚至外牆掛飾嘅模樣，喺去年嘅北京奧運，京信就曾為選手村生產一批外形為奧運火炬嘅隱蔽天線，解決村內嘅訊號覆蓋問題。

唐澤偉仲話，電訊監管部門對於電磁輻射安全一向有嚴格規定，所以大家唔使過分擔心呢類天線會對於健康構成影響。

絲絲八到，與香港只有一河之隔嘅深圳口岸，至少有20多座為TD3G網絡而設嘅發射天線，係以仿真樹嘅方式放置，下次大家北上之時，不妨考考自己眼光，睇吓會唔會發現到佢哋嘅位置！

余絲韻